Դուբայում 80%-ով ավարտին են հասցրել ֆոտոշրջանակի տեսքով աշխարհի ամենամեծ կառույցի շինարարությունը: Այս մասն գրում է ՌԻԱ Նովոստին՝ վկայակոչելով Dubai Media Office-ը:
Կառույցի բարձրությունը 150 մետր է, լայնությունը՝ 93 մետր: Նախագծի արժեքը 43.5 մլն դոլար է: «Շրջանակի» միջով մեկ եւ մյուս կողմից տեսարան է բացվում դեպի «նոր» եւ «հին» Դուբայները:
Կառույցի գագաթին ապակեպատ հետիոտնի անցում կա, այն բաց կլինի բոլորի համար:
Շինարարության ավարտի հստակ ժամկետը դեռեւս հայտնի չէ, սակայն ավելի վաղ հաղորդվել էր, որ «ֆոտոշրջանակը» պատրաստ կլինի այս տարվա չորրորդ եռամսյակում: