Հայաստանի ԱԻՆ-ում, հոկտեմբերի 23-ին, ժամը 23.44-ին ահազանգ է ստացվել, որ Արարատի մարզի Վեդի քաղաքում Արարատյան փողոցի թիվ 1 հասցեի հարեւանոթյամբ տեղի է ունեցել ավտովթար, անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «Օպել Աստրա» մակնիշի 01 GR 707 համարանիշի ավտոմեքենան (վարորդ 30-ամյա Ռ. Մ.) դուրս է եկել ճանապարհի երթեւեկելի հատվածից եւ բախվել 273 մմ հաստության միջին ճնշման գազատար խողովակի հենասյանը եւ կողաշրջվել, ինչի հետեւանքով գազատարից տեղի է ունեցել գազի արտահոսք:
Գազի վթարային ծառայությունը դադարեցրել է գազի արտահոսքը:
Հրշեջ-փրկարարները հոսանքազրկել են ավտոմեքենան եւ կատարել են ճանապարհի լվացման աշխատանքներ:
