Microsoft–ը դադարեցրել է Skype հավելվածի աջակցությունը Windows Phone օպերացիոն համակարգով աշխատող սմարթֆոնների համար։ Եթե ծրագիրն արդեն տեղադրված է սարքի վրա, այն կմնա հեռախոսում, սակայն այն Windows խանութից նորից բեռնել հնարավոր չի լինի, փոխանցում է Vesti–ն։
Մի քանի ամսվա ընթացքում Windows Phone 8.1–ի համար հնացած տարբերակը կդադարի աշխատել։ Բջջային Windows–ի համար Skype–ի միակ տարբերակը կգործի Windows 10 Mobile Anniversary Update համակարգով։
Windows 10 Mobile–ով աշխատում է Windows սմարթֆոնների մոտ 14 տոկոսը, ընդ որում, դրանց միայն 1/3-ը՝ ամենանոր տարբերակով, որոնց համար հասանելի է Skype–ը։