22-ամյա Լեւոն Սահակյանին, որին դանակահարելու մեջ մեղադրվում է «Պատանի լրագրողներ» դպրոցի տնօրեն Վահան Ղազարյանը, այսօր հուղարկավորեցին Սեւան քաղաքի գերեզմանատանը։ Ուշագրավ է, որ այսօր Լեւոնի նշանած Արեգնազ Թովմասյանի ծննդյան օրն է։
Ավելի վաղ գրել էինք, որ հոկտեմբերի 19-ի երեկոյան «Պատանի լրագրողների» դպրոցի տնօրեն Վահան Ղազարյանի եւ Լեւոն Սահակյանի միջեւ վիճաբանությունն սկսվել էր Լեւոնի նշանածի աշխատավարձը չվճարելու պատճառով: Լեւոնի նշանածը՝ Սեւան քաղաքի բնակչուհի Արեգնազը, աշխատելիս է եղել Վահան Ղազարյանի մոտ, որը նրա աշխատավարձը չէր վճարել: Այդ օրը Վահան Ղազարյանը 22-ամյա երիտասարդին զանգել եւ կանչել է դպրոց՝ նշանածի աշխատավարձը տալու համար, սակայն, նրանց միջեւ վիճաբանություն է սկսվել, որից հետո սրտի եւ թոքի վնասվածքներով Լեւոնը տեղափոխվել է հիվանդանոց, որտեղ երկու օր անց մահացել է: