Մենք չպետք է մոռանանք, որ հայ ժողովրդի պատմության մեջ մեծ ողբերգություններ են եղել։ Այս մասին հոկտեմբերի 24-ին ասել է պետական այցով Հայաստանում գտնվող Մալթայի ինքնիշխան մարտական ուխտի արքայազն եւ Մեծ վարպետ Ֆրա Մեթյու Ֆեսթինգը ՀՀ նախագահ Սերժ Սարգսյանի հետ հանդիպման ավարտին (ֆոտոռեպորտաժ)։
Մալթայի ինքնիշխան մարտական ուխտի արքայազն եւ Մեծ վարպետը ուրախություն է հայտնել Երեւանում գտնվելու կապակցությամբ։ Ֆրա Մեթյու Ֆեսթինգի խոսքով՝ շատ քիչ ազգեր ունեն սեփական աղբյուրներն ունեցող պատմությունը։ «Մենք չպետք է մոռանանք, որ հայ ժողովրդի պատմության մեջ մեծ ողբերգություններ են եղել։ Իմ պարտականությունն ու առաջնայնությունը Օսմանյան կայսրությունում 1915-1922 թվականներին ցեղասպանությանը զոհ գնացած հայերի հուշահամալիրն այցելելն է։ Այն ցուցադրում է, որ նման իրադարձությունները երբեք չպետք է կրկնվեն»,– ընդգծել է Մալթայի ինքնիշխան մարտական ուխտի արքայազն եւ Մեծ վարպետը։