Ֆրանսիացի երեք զինծառայող եւ քաղաքացիական երկու անձ Մալթայում զոհվել են թեթեւշարժիչային օդանավի աղետի հետեւանքով: «ՌԻԱ Նովոստի»-ի փոխանցմամբ՝ այս մասին նշված է Ֆրանսիայի պաշտպանության նախարար Ժան-Իվա Լե Դրիանի հայտարարության մեջ:
Լիբիական Միսրատ ուղեւորվող օդանավը վթարվել է երկուշաբթի առավոտյան Մալթայի հարավում գտնվող Լուկա օդանավակայանից թռչելուց կարճ ժամանակ անց: Ականատեսների խոսքով՝ վթարը տեղի է ունեցել տեղական զորամասերից մեկից 10 մետր հեռավորությամբ, որի շենքը վնասվել է օդանավի բեկորներից: Ցամաքում ոչ ոք չի տուժել: Նախկինում հաղորդվել է, որ օդանավում կարող էին լինել Եվրամիության սահմանապահ ծառայության աշխատակիցներ:
«Օդանավի աղետը հանգեցրել է 5 մարդու զոհվելուն՝ պաշտպանության նախարարության 3 աշխատակիցների եւ 2 մասնավոր կապալառուների»,- հայտնել է պաշտպանության նախարարը:
Նրա խոսքով՝ օդանավը հետախուզական թռիչք էր կատարելու՝ ապօրինի միգրանտներ տեղափոխողների եւ թմրավաճառների երթուղիներին հետեւելու համար: Հետաքննությունն զբաղված է աղետի պատճառների բացահայտմամբ: