Անկարան հաստատել է, որ «Հարավային Հոսքի» համար ավելի վաղ տրված թույլտվությունը կգործի նաեւ «Թուրքական հոսքի» համար, փոխանցում է ՏԱՍՍ–ը։
«Մեր թուրք գործընկերները հաստատել են բոլոր այն թույլտվությունները եւ փաստաթղթերը, որոնք մշակվել են «Հարավային հոսքի» թուրքական տնտեսական գոտու համար»,– ասել է «Գազպրոմի» ղեկավար Ալեքսեյ Միլլերը ՌԴ նախագահ Վլադիմիր Պուտինի հետ հանդիպման ժամանակ։ Թուրքական կողմը հաստատել է, որ բոլոր այդ թույլտվությունները գործում են նաեւ «Թուրքական հոսքի» համար։
Միլլերը հիշեցրել է, որ միջկառավարական համաձայնագրի համաձայն՝ Ռուսաստանը Թուրքիա տանող 2 խողովակ կկառուցի Սեւ ծովի տակ՝ 31.5 մլրդ խ/մ ծավալով։
«Մենք արդեն թուրքական տնտեսական գոտու տեղամասի համար թույլտվություն ենք ստացել։ Այդ ամենը մեզ թույլ է տալիս վստահությամբ ասել, որ երկու խողովակն էլ կկառուցվեն նախատեսված ժամկետում՝ մինչեւ 2019-ի վերջը»,– վստահություն է հայտնել նա։