Հայսատանի Կենտրոնական բանկը նախատեսում է հետագայում դերիվատիվներով գործարքների ռեեստր ստեղծել: Այս մասին այսօր՝ հոկտեմբերի 24-ին, խորհրդարանում հայտարարել է Կենտրոնական բանկի փոխնախագահ Ներսես Երիցյանը՝ ներկայացնելով «Արժեթղթերի շուկայի մասին» օրենքում փոփոխությունների նախագիծը եւ կից օրինագծերը:
Օրենսդրական առաջիկա փոփոխություններով Հայաստանում ֆինանսական հաշվետվողականության միջազգային ստանդարտներ (IFRS) կներդրվեն դերիվատիվներով գործարքների համար: Դրանց շահույթը կհարկվի, իսկ վնասը կհաշվանցվի շահութահարկի բազայից: Սա թույլ կտա ֆյուչերսների, ռեպոյի եւ սվոպի շուկայական համարժեք գներ ձեւավորել, այլ ոչ թե հարկերից խուսափելու համար դրանք աղավաղել:
Դրանից զատ, գործող օրենսդրությամբ ֆինանսական գործիքներով գործարքներն ազատված են ԱԱՀ-ից: Սա պետք է տարածել նաեւ դերիվատիվային առեւտրի վրա: «Այդ նպատակով մենք ցանկանում ենք դիրիվատիվների միասնական ռեեստր ստեղծել: Այդպիսով Կենտրոնական բանկը, որպես ֆինանսական կարգավորող, ավելի հեշտ կկատարի այդ գործարքների հաշվառումը»,- պարզաբանել է Երիցյանը: