Նորից մտահոգիչ տեղեկություններր Գուադալուպայի ափից (Մեքսիկա) ՝ հսկայական սպիտակ շնաձուկը ներխուժել է այն վանդակի մեջ, որտեղից ջրասուզակները նկարահանում էին գիշատիչներին։ Այս անգամ միանգամից չորս մարդու կյանքի էր վտանգ սպառնում։
Այն ինչ տեղի է ունեցել, նկարահանել են մի քանի տեսախցիկներ։ Կադրերից երեւում է, թե ինչպես է հսկայական գիշատիչը ներխուժում վանդակ, որտեղ չորս մարդ կա։ Հետագայում պարզվել է, որ շնաձուկը խժռել էր դայվերներից մեկի օդի մատակարարման խողովակը։ Կադրերից երեւում է, թե ինչպես է դայվերը սկսում պայքարել իր կյանքի համար, արդյունքում օգնելով, որ գիշատիչը դուրս գա վանդակից։
Իսկ երկորրդ տեսագրությունը այն տեսախցիկով է նկարահանվել, որը դայվերներից մեկի գլխի վրա էր տեղադրված։ Երկու տեսահոլովակների հեղինակներն էլ պնդում են, որ այդ պատմությունը միայն հրաշքով ողբերգական ավարտ չի ունեցել՝ շնաձուկը բարեբախտաբար լողալով հեռացել է։