2012-ին սոմալացի ծովահենների կողմից պատանդառված եւ միայն օրերս ազատ արձակված նավաստիները ստիպված են եղել առնետներ ուտել, որպեսզի սովամահ չլինեն, «ԲԻ ԲԻ ՍԻ»-ին պատմել է ազատ արձակված նավաստիներից մեկը։ «Նրանք մեզ միայն ջուր էին տալիս։ Մենք առնետներ էինք ուտում։ Անտառում էինք պատրաստում եւ ուտում»,- պատմել է BBC–ին ֆիլիպինցի Արնել Բալբերոն, որը պատանդառված նավաստիներից մեկն է։ «Մենք ամեն ինչ ուտում էինք, երբ սոված ես՝ ամեն ինչ էլ ուտում ես»,- հավելել է նա։
26 նավաստի՝ այդ թվում ֆիլիպինցիներ, կամբոջացիներ, ինդոնեզացիներ, վյետնամցիներ ո ւ թայվանցիներ, առեւանգվել էին 2012 –ին «Նաեմ 3» ձկնորսական նավթի գրավման ժամանակ ՝ Սեյշելյան կղզիներից հարավ։
Նավթը գրաված սոմալացի ծովահենները փրկագին էին պահանջել նավաստիների համար, բայց բանակցությունները երեք տարի ձգձգվել են, ու այդ ընթացքում պատանդներին պահել են Սոմալիի անտառներում։
Նավաստիներից մեկը պատմել է, որ ծովահենները իրենց նաեւ դեղ չէին տալիս, ինչի հետեւանքով նրանցից երկուսը հիվանդությունից մահացել էին։ Եվս մեկ նավաստու էլ սպանել էին նավը գրավելու ժամանակ։
Պատանդներին ազատ են արձակել անցած հանգստյան օրերին։ Թայվանի արտգործնախարարության տվյալներով, դա տեղի է ունեցել այն բանից հետո, երբ նավի սեփականատերը ի վերջո վճարել է փրկագինը, սակայն թե ինչ գումար է դա եղել՝ չեն մանրամասնում։