Չինաստանի հյուսիս–արեւմուտքում՝ Յուլին քաղաքում, պայթյունից զոհվել է առնվազն 7 մարդ, եւս 7-ը վիրավոր են, հայտնում է BBC–ն՝ վկայակոչելով տեղական իշխանություններին։
Պայթյունը հնչել էր բնակելի տանը՝ հիվանդանոցի հարեւանությամբ։ Հաղորդվում է, որ տանը կարող էր պայթուցիկների անօրինական պահեստ լինել։
Չինաստանի իշխանությունները 2015-ին Տյանցզինում հնչած պայթյունից հետո խստացրել էին պայթուցիկ եւ թունավոր նյութերի պահպանման կանոնները։