Իրանն ու ԵՄ-ն դեկտեմբերին Բրյուսելում բազմակողմանի բանակցություններ կանցկացնեն։ Այս մասին հայտնել է Իրանի ԱԳՆ ներկայացուցիչ Բահրամ Քասեմին, փոխանցում է ԻՐՆԱ-ն։
Նրա խոսքով, իրանական պատվիրակությունը ներկայացված է լինելու արտգործնախարարների մակարդակով ծրագրվող բանակցություններին։ «Բանակցությունները կարող են կենտրոնացած լինել մարդու իրավունքներ թեմայի ու այլ հարցերի վրա»,- ասել է Քասեմին։ Նա նշել է, որ Եվրոպան ու Իրանը տարբեր մոտեցումներ ունեն մարդու իրավունքների խնդրին, ինչի կապակցությամբ գալիք բանակցությունների կենտրոնական թեման կարող է դառնալ հենց այդ հարցը։ «Իրանը մարդու իրավունքների խնդիրը դիտարկում է իսլամական տեսակետից, այսինքն ունի իր առանձնահատուկ սկզբունքները, որոնք ոչ բոլորին են հասկանալի»,- ասել է Քասեմին։