Instagram-ի օգտատերը ծառայությունում ուղիղ հեռարձակման թաքնված ֆունկցիա է հայտնաբերել: Այս մասին գրում է TJ-ն:
Ուղիղ հեռարձակման ֆունկցիա նկատվել էր դեռեւս Instagram-ի բետա-տարբերակում: Օգտատերը նկատել էր «Live» կոճակի առկայությունը Stories բաժնում, որի վրա սեղմելիս բացվում էր «ամենաշատ դիտված ուղիղ եթեր» բաժինը:
TJ-ի տվյալներով, այս ֆունկցիան նախատեսված է եղել ծրագրավորողների համար՝ նորամուծությունը թեսթավորելու նպատակով եւ պաշտոնապես Instagram-ի կողմից չի ներկայացվել: Այժմ այս ֆունկցիան հասանելի չէ:
Instagram-ի Stories ծառայությունը մեկնարկել է օգոստոսի 2–ին եւ միանգամից ենթարկվել կտրուկ քննադատության Snapchat-ի դիզայնը եւ ֆունկցիոնալ մասը կրկնօրինակելու պատճառով: Սակայն հոկտեմբերի սկզբին դրա ամենօրյա օգտագործողների թիվն անցել է 100մլն-ը, իսկ Instagram-ի ամենամսյա օգտագործողների թիվը կազմել է շուրջ 500 մլն-ը:
Համեմատության համար նշենք, որ Snapchat-ից ամեն օր օգտվում է 150 մլն մարդ: