Ինդոնեզիայի առնվազն 11 բնակիչներ, որոնք ոսկու ապօրինի արդյունահանմամբ են զբաղվում, Սումատրա կղզու հեռավոր Ջամբա նահանգում գտնվող Սիմպանգ-Պարիտ գյուղու մերձակայքում 25 մետր խորությամբ հանքահորի փլվածքի պատճառով մնացել են հանքապարի տակ: Այս մասին հայտարարել է տեղական ոստիկանության պետ Մունգարան Կարտագունան, փոխանցում է Detik.com-ը:
Նրա խոսքով՝ աղետի վայր է ուղեւորվել փրկարարների խումբը, որը սակայն ուշանում է, քանի որ հանքավայր կարելի է հասնել միայն արագհոս գետով:
Առայժմ արգելափակված հանքափորների մասին տեղեկություններ չկան:
Ինդոնեզիայում օգտակար հանածոների ինքնուրույն արդյունահանման հետ կապված ամենալուրջ պատահարը տեղի է ունեցել 2009 թվականին, երբ Սումատրայի Սավախլունտու քաղաքի մոտ գտնվող հանքահորում 50 մարդ էր զոհվել պայթյունի եւ հանկարծակի նրանց վրա թափված հանքապարի հետեւանքով: