Սիրիական Հալեպ քաղաքում հոկտեմբերի 22-ին ամերիկյան Ազատության արձանին նման քանդակ է հայտնվել: Այս մասին գրում է Gazeta-ն՝ վկայակոչելով Le Figaro-ն:
Ազատության արձանը հառնում է կիսավեր քաղաքի վրա: Ըստ պարբերականի՝ վերջին մի քանի օրերին այն հույսի խորհրդանիշ է դարձել բոլոր նրանց համար, ովքեր դեռ հավատում են, որ սիրիական քաոսը կավարտվի:
Սիրիացի նկարիչ Թամամ Ազզամի քանդակի առաջին լուսանկարները հայտնվել են սոցցանցերում, այնուհետեւ տարածվել ամբողջ աշխարհում:
2011 թվականից Ազզամը Դուբայում է բնակվում: Թերթը նշում է, որ սիրիական ճգնաժամն ազդել է ոչ միայն նրա կյանքի, այլեւ ստեղծագործությունների վրա: Նա Մերձավոր Արեւելքում թվային արվեստի առաջամարտիկ է դարձել՝ ստեղծելով աշխատանքներ, որոնցում միահյուսվում են արեւմտյան աշխարհի գլուխգործոցներն ու ժամանակակից մերձավորարեւելյան իրականությունը: