Ազգային ժողովը հոկտեմբերի 25-ին առաջին ընթերցմամբ ընդունել է «Արժեթղթերի շուկայի մասին» օրենքում համապատասխան փոփոխությունների նախագիծն ու կից օրինագծերի փաթեթը: Այն ընդունվել է ձայների 82 «կողմ», 2 «դեմ» եւ 18 «ձեռնպահ» հարաբերակցությամբ:
Օրինագծերի փաթեթի նպատակը Հայաստանում ICDM ստանդարտի ներդրումն է, որը թույլ կտա միջազգայնորեն ընդունելի պայմանագրեր ստորագրել՝ երկրորդային ֆինանսական գործիքներով (ռեպո, ֆյուչերսներ, սվոպեր եւ այլն):
Բարեփոխումներն իրականացվում են Վերակառուցման եւ զարգացման եվրոպական բանկի հետ համագործակցությամբ, Սվոպերի եւ դերիվատիվների միջազգային ասոցիացիայի (ISDA) մոդելով: