Google-ը ձեռք է բերել Eyefluence սթարթափը, որն աշխատում է վիրտուալ կամ լրացված իրականության սարքերի հայացքով կառավաման տեխնոլոգիայի մշակման վրա: Այս մասին տեղեկանում ենք Eyefluence-ի բլոգից:
Գործարքի գումարի չափը չի հրապարակվում, սակայն, TechCrunch-ի փոխանցմամբ, մինչեւ Google-ին միանալը 2013 թվականին հիմնադրված սթարթափը 21,6 մլն դոլարի գումար է ստացել տարբեր ներդրողներից, որոնց թվում են Intel Capital, Jazz Venture Partners, Motorola Solutions Venture Capital եւ այլ կազմակերպություններ:
Eyefluence-ը մշակում է միայն աչքերի միջոցով վիրտուալ եւ լրացված իրականության սաղավարտների եւ ակնոցի կառավարման տեխնոլոգիա: 2016 թվականին ընկերությունը հրապարակել է տեսանյութ, որում Eyefluence-ի համահիմնադիր Ջիմ Մարգրաֆը (Jim Marrgraff) ցուցադրում է նախագծի հնարավորությունները. ակնոցի միջոցով նա լուսանկարներ է դիտել եւ ինտերնետ-խանութից գնումներ կատարել:
2016 թվականի մայիսին Google-ը ներկայացրել է վիրտուալ իրականության էլեմենտներով հավելվածներ ստեղծելու Daydream հարթակը: Այն աշխատում է Android Nougat օպերացիոն համակարգով աշխատող բոլոր սարքերի վրա: 2016 թվականի հոկտեմբերին ընկերությունը ներկայացրել է նաեւ Daydream-ով ստեղծված հավելվածների հետ աշխատելու համար վիրտուալ իրականության ակնոցը:
