Բեռլինում 14-ամյա դեռահասը դանակահարել է «չար ծաղրածուին», այնուհետեւ նրան առաջին օգնություն է ցույց տվել: «ՌԻԱ Նովոստի»-ի փոխանցմամբ՝ այս մասին նշված է Բեռլինի ոստիկանության պաշտոնական ներկայացուցչի հայտարարության մեջ, որը հրապարակվել է գերատեսչության կայքում:
Միջադեպը տեղի է ունեցել երկուշաբթի: Ծաղրածուի հանդերձանքով, կացինով զինված 16-ամյա դեռահասը փորձել է վախեցնել երիտասարդների խմբին, բայց դանակի հարված է ստացել կրծքավանդակին: Այնուհետեւ ծաղրածուին վիրավորած դեռահասը նրան առաջին օգնություն է ցույց տվել եւ շտապ օգնություն է կանչել: Հիվանդանոցում տուժողը շտապ վիրահատվել է, նրա կյանքին վտանգ չի սպառնում: Հարվածը հասցրած տղան ձերբակալվել է, բայց հետո ծնողներին է հանձնվել:
Սա չար ծաղրածուի հանդերձանքով խաղարկման սիրահարներին դիմադրելու առաջին դեպքը չէ: Գերմանիայում արդեն գրանցվել են անցորդների վրա զինված «չար ծաղրածուների» տասնյակ դեպքեր, մեկ վիրավոր է գրանցվել Քյոլնում: Նախկինում հաղորդվում էր, որ ԱՄՆ-ում եւ Մեծ Բրիտանիայում անհայտ անձինք են հայտնվել, որոնք սարսափազդու ծաղրածուների հանդերձանքով մարդկանց վրա են հարձակվում: ԱՄՆ-ում ծաղրածուների հանդեպ վախը զանգվածային է դարձել: