Նոր ՏՏ ծառայությունների մշակման եւ ծրագրային ապահովման ներդրման ծախսերն աճում են՝ այն դեպքում, երբ համաշխարհային խոշոր ընկերությունների ներդրումները նյութական ակտիվներում կտրուկ նվազում են: Reuters-ի փոխանցմամբ՝ այս մասին նշված է PwC քոնսալթինգային ընկերության հետազոտության մեջ:

PwC-ի կարծիքով՝ ծախսերի կառուցվածքում փոփոխությունների հիմնական պատճառը շուկայում մրցունակ մնալու անհրաժեշտությունն է: Այսպես, 2018 թվականին համաշխարհային առողջապահության համակարգչային ցանցի ստեղծման, էլեկտրոնային սարքավորումների ձեռք բերման եւ ՏՏ ոլորտի հետ կապված գիտահետազոտական մշակումների ծախսերը կկազմեն մինչեւ 165 մլրդ դոլար՝ այս տարվա  159 մլրդ դոլարի համեմատությամբ:

Արտադրության ոլորտում ինժեներ-մեխանիկների թիվը 2020 թվականին, օրինակ, կկրճատվի մեկ երրորդ մասով՝ մինչեւ 13 տոկոսով, իսկ ՏՏ մասնագետների քանակը կկրկնապատկվի եւ կկազմի աշխատողների ամբողջ թվի 16 տոկոսը:

PwC-ի կանխատեսումներով՝ ավտոընկերությունների ՏՏ մշակումների ծախսերը 2020 թվականին կկազմեն 129 մլրդ դոլար: