Դրեզդենի սիմֆոնիկ նվագախումբը Թուրքիայի նախագահ Ռեջեփ Թայիփ Էրդողանին հրավիրել է Հայոց ցեղասպանության հիշատակի համերգին, հայտնում է T-online.de կայքը։
Նոյեմբերի 13-ին Ստամբուլում Գերմանիայի հյուպատոսարանում կայանալիք միջոցառմանը հրավիրված են նաեւ Թուրքիայի վարչապետ Բինալի Յըլդըրըմը, արտգործնախարար Մեւլութ Չավուշօղլուն եւ մշակույթի ու զբոսաշրջության նախարար Նաբի Ավջին։
Հաղորդվում է, որ հրավիրատոմսի մեջ նշված է, որ համերգը նվիրված է հայ եւ թուրք ժողովուրդների վերքերին։ Մասնավորապես, կկատարվի Օսմանյան կայսրությունում Հայոց ցեղասպանության մասին ստեղծագործություն։ Դրանից բացի, պլանավորվում է «հայ–թուրքական բարեկամության գերմանական միություն հիմնել»։
Գերմանիայի ԱԳՆ–ն հրաժարվել է մեկնաբանություն տալ։
