Ուկրաինայում՝ Մելիտոպոլ քաղաքի «Ջոկեր» սրճարանից ոչ հեռու, հրաձգությունից զոհվել է 2 մարդ՝ վրացի Զուրաբ Օնանիզին եւ հայ Սարգիս Բաղդասարյանը։ Այս մասին հայտնել է Զապորոժիեի մարզի դատախազ Վալերի Ռոմանովը, փոխանցում է 061.ua–ն։
«Դա ոչ թե քրեական աշխարհի ներկայացուցիչների հարաբերությունների պարզում է, այլ երկու երիտասարդ տղաների հասարակ խուլիգանություն, որոնք նախկինում դատապարտված չեն եղել եւ քրեական անցյալ չեն ունեցել»,– ասել է Ռոմանովը։ Հայտնի է, որ հրաձգությունը տեղի է ունեցել աղջկա պատճառով։
Զապորոժիեի մարզի անվտանգության խորհրդի ղեկավար Ալեքսանդր Շմիտկոյի խոսքով՝ 6 հոգուց բաղկացած խումբը հրաձգություն էր սկսել, իսկ դրանից առաջ ալկոհոլ էր օգտագործել։ Կրակոցները հնչել են գիշերը ժամը 3–ին։
Բոլոր 6 հոգու ինքնությունը պարզված է։ Իրավապահները պնդում են, որ վեճը ծագել էր աղջկա պատճառով ալկոհոլը չարաշահելու ֆոնին։