Հայաստանն ուզում է մի շարք նոր երկրների հետ կրկնակի հարկումը բացառող համաձայնագրեր կնքել։ Այս մասին հոկտեմբերի 25-ին խորհրդարանում ասել է Հայաստանի ֆինանսների փոխնախարար Արմեն Հայրապետյանը։
Հայաստանը նման համաձայնագրեր ունի ԵՄ գրեթե բոլոր երկրների հետ։ Փոքրաքանակ բացառությունների թվում են Պորտուգալիան եւ Շվեդիան։ Հայաստանը պլանավորում է նման համաձայնագրեր կնքել Շվեդիայի, Կանադայի, Վրաստանի, Իրանի, ինչպես նաեւ Չինաստանի, Հնդկաստանի, Լիբանանի եւ ԱՄԷ–ի հետ։