ՀՀ քաղաքացիները կարող են ՄԻԵԴ դիմել ընտրությունների հետ կապված գործերով։ Այս մասին հոկտեմբերի 25-ին խորհրդարանում ասել է արդարադատության փոխնախարար Վիգեն Քոչարյանը՝ ներկայացնելով Մարդու իրավունքների եվրոպական կոնվենցիայի N16 արձանագրությունը։ Դրա համաձայն՝ անդամ երկրների բարձրագույն դատական մարմինները կարող են ՄԻԵԴ դիմել՝ խնդրելով մարդու իրավունքների բարդ հարցերով փորձագիտական եզրակացություն տալ։
Այդ կապակցությամբ ՕԵԿ խմբակցության պատգամավոր Հովհաննես Մարգարյանը հարցրեց, թե կարող են արդյոք նման դիմումներ ներկայացվել ընտրախախտումների հարցերով։ Այդ կապակցությամբ Քոչարյանը նշեց, որ քաղաքացիները գոհ չեն ազգային դատարանների որոշումներով, կարո են դիմել ՄԻԵԴ։ Դա վերաբերվում է նաեւ ընտրությունների շուրջ վեճերին։ «Դա ՄԻԵԴ–ում դիմումների ընդհանուր կարգն է, եւ այն կարող է վերաբերել ընտրախախտումներին»,– ասել է Քոչարյանը։
«Դե ինչ, այդ դեպքում հույս ունեմ, որ այդ արձանագրության վավերացումը կօգնի վերադարձնել Գյումրիում ավագանու մանդատները, որոնք մեզնից խլել է իշխանությունը»,– ասել է Մարգարյանը։