Հոկտեմբերի 25-ին Երեւանում կայացավ Հայաստանի Հանրապետության եւ Եվրոպական միության միջեւ նոր շրջանակային համաձայնագրի շուրջ բանակցությունների հինգերորդ փուլը:
Հայկական պատվիրակությունը գլխավորում էր ԱԳ նախարարի տեղակալ Կարեն Նազարյանը, իսկ եվրոպականը՝ Արտաքին գործողությունների եվրոպական ծառայության Արեւելյան Եվրոպայի, Ռուսաստանի, ԵԱՀԿ եւ տարածաշրջանային համագործակցության տնօրեն Լուկ Դեվինյը: Մասնակցում էին ՀՀ-ում ԵՄ պատվիրակության ղեկավարը, ինչպես նաեւ ՀՀ ԱԳ եւ շահագրգիռ այլ գերատեսչությունների եւ ԵՄ պաշտոնյաներ։
Բանակցությունների ժամանակ քննարկվեցին համաձայնագրի նախագծի տարբեր բաժիններին առնչվող հարցեր։
Բանակցությունների ընթացքում, ընդլայնված կազմով, տեղի ունեցավ լիագումար նիստ, որի ընթացքում կողմերն ամփոփեցին մի շարք ոլորտների շուրջ բանակցությունների արդյունքները եւ նախանշեցին հաջորդ փուլի քննարկումների շրջանակը։
Բանակցող թիմերը նախատեսում են հաջորդ հանդիպումն անցկացնել Բրյուսելում՝ ընթացիկ տարվա դեկտեմբերին։
