KIA ընկերությունը նոյեմբերին Լաս Վեգասում բացվող SEMA ամերիկյան թյունինգ շոուի համար կպատրաստի Soul քրոսօվերի կոնցեպտուալ տարբերակը՝ First Class անվանումով։ Այս ավտոմեքենան երեւակայական մոդել է ինքնակառավարվող մեքենայի թեմայով, գրում է Motor.ru–ն։
Քրոսօվերը սալոնում կունենա 40 դյույմանոց հեռուստացույց, առաջադեմ աուդիոհամակարգ ու երկու հատուկ պլանշետ, որոնց օգնությամբ կարելի է կառավարել մեքենայի բոլոր գործառույթները։ «Սոուլի» հատակը փայտյա դեկոր կունենա, իսկ ինտերյերը սպիտակ ու մոխրագույն կաշվից կլինի։
Kia –ի ինքնակառավարվող մեքենաների հոսքային արտադրությունը կսկսվի միայն 2030-ին։ Դրանք կկարողանան ճանապարհին «շփվել» մյուս փոխադրամիջոցների, շրջակա ենթակառուցվածքի ու ցանկացած այլ օբյեկտների հետ։ Իսկ ավելի շուտ՝ մոտ չորս տարի հետո, մեքենաները կկարողանան մեծ արագությամբ ինքնուրույն երթեւեկել բանուկ մայրուղով։
ՄԵքենայի էլեկտրոնիկան կկարողանա նաեւ վարորդի դեմքով հասկանալ արտակարգ իրավիճակն ու կանգնեցնել մեքենան։