Հայաստանում Beeline-ի բաժանորդները կկարողանան ավելի արագ մտնել «Վկոնտակտե» ցանց: Այս մասին NEWS.am-ին ասաց Հայաստանում Beeline-ի գլխավոր տնօրեն Անդրեյ Պյատախինը:
Նրա խոսքով՝ ընկերությունը հիմա սերվերային տարածք է առանձնացնում «Վկոնտակտե»-ի հայելավորման համար: «Մեզ համար սա կարեւոր է, քանի որ «ՎԿ»-ի թրաֆիկը մեր ցանցում ամենամեծն է»,- նշեց նա:
Նախնական տվյալներով՝ ներկայումս Beeline ցանցում ամենից շատ հաճախում են Facebook եւ «Օդնոկլասնիկի» սոցցանցեր: Այնուհետեւ հաջորդում է «Վկոնտակտե»-ն: «Բայց դա կախված է հաճախումների ժամից: Ընդհանուր առմամբ, դրանք գրեթե հավասար են: Ամենավերջին տվյալները չունեմ, բայց հիմա եղած տվյալների համաձայն՝ Facebook-ը փաստացի առաջինն է: Դա այն է, ինչ մեզ մոտ հիմա տեսնում ենք»,- հայտարարեց Պյատախինը:
Ընկերությունն արդեն հայելային տարածք է տրամադրում Google եւ Youtube-ի համար: Արդյունքում այդ հաշիվներին հարցումներն արդեն ուղարկվում են ոչ թե միջազգային, այլ տեղական սերվերներ, եւ կայքերն ավելի արագ են բացվում: «Մենք մեր սերվերներ կբերենք հնարավորինս շատ հաշիվներ: Իհարկե, կհետեւենք շուկայի մեր գործընկերներին: Եթե ինչ-որ բանի վրա արդեն «հայելի» դրել են, եւս մեկը դնելու անհրաժեշտությունն ավելի փոքր է»,- պարզաբանեց Պյատախինը:
