Բրիտանիայի կառավարությունը նախնական հաստատել է լոնդոնյան «Հիթրոու» օդանավակայանն ընդլայնելու մասին նախաձեռնությունը։ Օդանավակայանը մինչեւ 2025 թ կստանա երրորդ թռիչքուղին, եթե որոշումը հաստատվի խորհրդարանի կողմից, հայտնում է BBC–ն։

«Հիթրոուի» ընդլայնումը, որը հաստատվել է նախարարների կողմից, կօգնի նոր աշխատատեղեր ստեղծել ու զարգացնել առեւտուրը ՝ ավելացնելով օդանավակայանի թողունակությունը, հայտնել է տրանսպորտի նախարար Քրիս Գրեյլինգը, այդ որոշումն անվանելով «հիրավի պատմական»։