Վենեսուելայի ազգային խորհրդարանը, որտեղ  մեծամասնություն է կազմում ընդդիմությունը, ձայների մեծամասնությամբ կողմ է քվեարկել նախագահ Նիկոլաս Մադուրոյի իմփիչմենթը սկսելուն։ Նաեւ խորհրդարանականները կողմ են քվեարկել Մադուրոյին նոյեմբերի 1-ին կոնգրեսի նիստին հրավիրելուն, հայտնում է «ՌԻԱ Նովոստին»։

Անցած հանգստյան օրերին պատգամավորները հաստատել են «Վենեսուելայում սահմանադրական կարգերի վերականգնման մասին համաձայնագիրը», որում իշխանությունների գործողությունները անվանում են «Նիկոլաս Մադուրոյի վարչակարգի կողմից իրականացվող պետական հեղաշրջում Վենեսուելայի Սահմանադրության ու ժողովրդի դեմ»։