ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ջեյմս Ուորլիքը (ԱՄՆ) եւ Պիեռ Անդրիոն (Ֆրանսիա), ինչպես ԵԱՀԿ գործող նախագահի անձնական ներկայացուցիչ Անջեյ Կասպրշիկը Հայաստանի եւ Ադրբեջանի ԱԳ նախարարներ Էդվարդ Նալբանդյանի եւ Էլմար Մամեդյարովի հետ կքննարկեն առաջիկայում երկու երկրների նախագահների հանդիպում կազմակերպելու հնարավորությունը:
ԵԱՀԿ մամուլի ծառայության տարածած հաղորդագրության համաձայն՝ Հայաստանի եւ Ադրբեջանի նախագահներ Սերժ Սարգսյանի եւ Իլհամ Ալիեւի հանդիպման հնարավորությունը կքննարկվի դեկտեմբերին Համբուրգում նախանշված ԵԱՀԿ ԱԳ նախարարների խորհրդի նիստի շրջանակում: