Ռուսաստանի Բորիսյակի անվան հնէաբանության ինստիտուտի գիտնական Նիկիտա Զալենկովը Սիբիրում առաջին անգամ հայտնաբերել է թութակի պեղված մնացորդներ: Այս մասին հայտնում է Biology Letters-ը:
Գտածոն հայտնաբերվել է Տագայսկի շրջանում՝ Բայկալի խորշում, որը հայտնի է նախկինում այնտեղ պեղված միոցենի կենդանական աշխարհի մնացուկների հայտնաբերմամբ:
Պեղումների ընթացքում գիտնականը հայտնաբերել է թռչնի միակ՝ այսպես կոչված սնամեջ ոսկորը, որը 16-18 մլն տարով է թվագրվում:
Սա նշանակում է, որ այսօր արեւադարձային եւ մերձարեւադարձային տարածաշրջաններում բնակվող թութակները միլիոնավոր տարիներ առաջ ապրել են Եվրասիայում: «Այս վայրերում մենք կենդանիների տարբեր տեսակներ ենք հայտնաբերել՝ կրծողների, ռնգեղջյուրների, կատվազգիների, գետաձիերի, սակայն Սիբիրում ոչ մեկը թութակ չէր գտել»,- պարզաբանել է գիտնականը:
