Հայաստանում փոքր ու միջին ձեռնարկությունների ֆինանսավորումը հիմնականում եղել է բանկերի կողմից գրավի փաթեթներով, բայց կան նաեւ այլ ֆինանսավորման գործիքներ, որոնցից ցավոք, ձեզ մոտ շատ չեն օգտվում։ Այս մասին, այսօր՝ հոկտեմբերի 26-ին, լրագրողների հետ հանդիպման ժամանակ նշել է Վերակառուցման եւ Զարգացման Եվրոպական Բանկի Երեւանյան գրասենյակի ղեկավար Մարկ Դեւիսը:
Նրա խոսքով, շատ ընկերությունների համար IPՕ-ի թողարկումը եւս կարող է լավ գործիք լինել, բայց դրա համար պետք է շատ աշխատել, բավարարելն անհրաժեշտ չափանիշների. «ՓՄՁ-ները Հաայաստանում մոոտենում են IPO-ին, դա կմեծացնի բաժնետոմսերի արժեքը։ Շատ ընկերություններ ուզում են հասկանալ, թե ինչ պետք է անել այդ ուղղությամբ հաջողություն ունենալու համար, քանի որ ունեն տեղեկատվության եւ գիտելիքների պակաս, եւ այստեղ կարեւոր է մեր կողմից իրականացվող խորհրդատվական աշխատանքը»:
Մարկ Դեւիսը կարծիք հայտնեց, որ մրցունակության առումով Հայաստանի ցուցանիշը լավ վիճակում է. «Վրաստանն ու Հայաստանը կայուն կերպով զարգանում են, բայց օտարերկրյա ներդրումները կտրուկ ուղղվել են Վրաստան. եթե Հայաստանում ընկերությունները ճիշտ աշխատեն, մենք կտեսնենք օտարերկրյա ներդրումների աճ, ինչը կավելացնի ՓՄՁ-ների բաժնետոմսերի արժեքը»: