Հայաստանում փոքր ու միջին ձեռնարկությունները ֆինանսավորման մատչելիություն ունեն: Այս մասին, այսօր՝ հոկտեմբերի 26-ին, լրագրողների հետ հանդիպման ժամանակ նշել է Վերակառուցման եւ Զարգացման Եվրոպական Բանկի Երեւանյան գրասենյակի ղեկավար Մարկ Դեւիսը՝ հավելելով, որ Հայաստանում ֆինանսական ոլորտը զարգացած է, բանկերն ակտիվ են։
Դեւիսը նշեց, որ Հայաստանում գոյություն ունեն ՓՄՁ-ներ, որոնք միջոցներ կարողանում են ստանալ բանկերից, իսկ ՎԶԵԲ-ը վարկեր է տրամադրում բանկերին՝ ՓՄՁ-ներին միջոցներ տրամադրելու համար. «Մենք հավատում ենք, եւ սա կապիտալի շուկայի զարգացման մի մասն է, պետք է քաջալերենք բանկերին, որ հեռանան վարկային ֆինանսավորումից եւ տեղական շուկայում արժեթղթերի թողարկման եւ այլ միջոցների դիմեն: Ցավոք, երբ Երեւանից դուրս ես գալիս, անշարժ գույքը ընդհանրապես արժեք չունի, իսկ դա նշանակում է, որ բանկերը ՓՄՁ-ներին ֆինանսավորում չեն տրամադրում, ինչքան էլ լավ ծրագրեր ներկայացնեն։ Ֆինանսավորման այլ ձեւեր էլ կան, բանկը գնում է ասում դուք ունեք պահեստ, վերցնեմ դա գրավ եւ վարկ տրամադրեմ: Ցավոք, նման բաներ չենք տեսնում»:
