Վերջին մի քանի ամիսներին Իտալիայից եւ Հունաստանից ԵՄ այլ երկրներ են ուղարկվել 6 հազար ներգաղթյալ։ Այս մասին ասել է ԵՄ ներքին գործերի, միգրացիայի եւ քաղաքացիության հարցերով հանձնակատար Դիմիտրիս Ավրամոպուլոսը։
«Երեք ամիս առաջ ես շատ էի տխրել վատ արդյունքներից։ Բայց վերջին ժամանակներս վերաբաշխման գործընթացը սկսվել է։ 6 հազար մարդ Հունաստանից եւ Իտալիայից վերաբաշխվել է ԵՄ այլ երկրներ։ Եթե վերջին ամիսների տեմպը շարունակվի, շատ շուտով մենք կարող ենք ասել, որ այդ մեխանիզմն աշխատում է»,– ասել է եվրահանձնակատարը, փոխանցում է «ՌԻԱ Նովոստի»–ն։
Երկուշաբթի հրապարակված պաշտոնական տվյալներով՝ 2016-ի առաջին 10 ամսվա ընթացքում Միջերկրական ծովով Իտալիա է ժամանել ավելի քան 153 հազար փախստական, ինչը 10 տոկոսով շատ է, անցյալ տարվա նույն ժամանակաշրջանի հետ համեմատած։