Վերջին երկու տարում 352 դատապարտյալ կրթություն է ստացել կալանավայրում: Նման վիճակագրություն է ներկայացրել ՀՀ ԱՆ ՔԿՎ հանրային կապերի բաժինը:
Դատապարտյալների վերասոցիալականացմանն ուղղված համալիր միջոցառումների վիճակագրություն
«Իրավախախտում կատարած անձանց վերականգնողական կենտրոն» ՊՈԱԿ-ի, «Աջակցություն դատապարտյալներին» հիմնադրամի, ՀՀ կրթության եւ գիտության նախարարության հետ համագործակցության արդյունքում «Աբովյան», «Սեւան», «Կոշ», «Արթիկ», «Վանաձոր», «Արմավիր», 2014-2016թթ. ընթացքում իրացվել է շուրջ 352 դատապարտյալի կրթական իրավունքը ինչպես հանրակրթական, մասնագիտական՝ արհեստագործական, այնպես էլ բարձրագույն եւ հետբուհական:
2014թ-ին - 148, որից՝
• Հանրակրթական - 78
• Մասնագիտական՝ արհեստագործական - 65
• Բարձրագույն, հետբուհական - 5
2015թ-ին - 121, որից՝
• Հանրակրթական - 71
• Մասնագիտական՝ արհեստագործական - 44
• Բարձրագույն, հետբուհական - 6
2016թ-ի 9 ամսում - 83
• Հանրակրթական - 65
• Մասնագիտական՝ արհեստագործական - 10
• Բարձրագույն, հետբուհական - 8
2015թ. ընթացքում ՀՀ ԱՆ քրեակատարողական հիմնարկների գրադարանները ստացել են շուրջ 2500 կտոր գեղարվեստական եւ մասնագիտական գրականություն Ազգային գրադարանի, «Գրքի եւ հրատարակչության գործի կենտրոն» ՊՈԱԿ-ի եւ այլ անձանց կողմից:
Ընդհանուր առմամբ 2014-2016թթ-ին 12 ՔԿՀ-ներում կազմակերպվել են թվով 669 միջոցառումներ (2014թ-ին՝ 254, 2015թ-ին՝ 196, 2016թ-ին՝ 167), որոնց մասնակցել են 18.681 կալանավորված անձինք եւ դատապարտյալներ՝
2014թ - 5.929,
2015թ - 6.557,
2016թ-ի 9 ամսում - 6.195
Դատապարտյալների զբաղվածությունն ապահովելու, սոցիալական վերականգնման արդիական եւ արդյունավետ միջոցառումներ ձեռնարկելու նպատակով, ինչպես նաեւ «Աջակցություն դատապարտյալին» հիմնադրամի հետ համատեղ՝
ա) տարաբնույթ աշխատանքներում ներգրավվել են 1107 դատապարտյալներ, որոնցից՝
2014թ-ին - 469
2015թ-ին - 513
2016թ-ի 9 ամսում - 576 (որից 215-ը՝ իրենց
ցանկությամբ առանց
վարձատրության)
բ) ինքնագործ միավորումներում ներգրավվել է 774 անձ, որից՝
2014թ-ին - 285
2015թ-ին - 278
2016թ-ի 9 ամսում - 276
Հարկ է նշել նաեւ, որ 2016թ-ի 9 ամիսների ընթացքում արհեստագործական հատուկ 2 ամսյա դասընթացներ են անցել եւս 55 դատապարտյալներ (խեցեգործության, ռուսաց լեզվի, ծնողավարման հմտությունների, վարսահարդարման եւ այլն), որոնց բոլորին տրվել են համապատասխան վկայականներ: