Թեժ գիծն աշխատում է, ներմուծումների հետ կապված դեռ ահազանգեր չկան: Այս մասին այսօր՝ հոկտեմբերի 26-ին Ազգային ժողովում լրագրողների հետ զրույցում ասել է ՀՀ տնտեսական զարգացման եւ ներդրումների նախարար Սուրոն Կարայանը:
«Նախարարության թեժ գիծը աշխատում է, մեր ուշադրության կենտրոնում է, դեռ զանգեր, որ խնդիրներ կան, չենք ստացել»,- ասել է նախարարը:
Ինչ վերաբերում է այն հրապարկմանը, որ մի ՍՊԸ-ի թույլ չէին տվել բենզին ներկրել, նախարարն ասաց. «Խնդիրն այն է, որ Եվրասիական տնտեսական միության տեխնիկական կանոնակարգի համաձայն՝ դիզվառելիք ներկրման ժամանակ 1կգ մեջ ծծումբը պետք է չգերազանցի 10 մգ, եթե գերազանցում է, ապա արգելվում է, որ այդ ապրանքը ներմուծվի ԵՏՄ տարածք»,-ասել է Սուրեն Կարայանը:
Հիշեցնենք, որ վարչապետը հայտարարել էր, որ ով որ ներմուծման հետ խնդիր կունենա, կարող է զանգել իրեն:
