Ամերիկացի գիտնականները պատմել են այն մասին, թե ինչ է սպառնում մարդկանց, որոնք կփորձեն գաղութացնել Մարսը։ Գիտնականները ուտոպիա են համարում ամերիկյան SpaceX տիեզերական կորպորացիայի ղեկավար Իլոն Մասկի հայտարարություններն այն մասին, որ մոտակա տասնամյակներին մարդկությունը կգաղութացնի Մարսը, փոխանցում է Informing–ը։
Մասնագետները ուշադրություն են դարձրել այն հանգամանքին, որ տիեզերքում ու Մարսի վրա իրական պայմանները զգալիորեն տարբերվում են ֆանտաստների պատմածներից։
Գիտնականների խոսքով պետք չէ մոռանալ այսպես կոչված «Նիկոլաեւի էֆֆեկտի» մասին։ Խոսքը այն երեւույթի մասին է, որը խորհրդային բժիշկներն էին նկարագրել այն բանից հետո, երբ տիեզերագնաց Անդրիյան Նիկոլաեւը 18 օր անցկացրեց տիեզերքում։ Այդ ժամանակում նրա սիրտը 20 տոկոսով փոքրացել էր։ Նաեւ նրա մոտ ախտորոշել էին արյան շրջանառության րոպեական ցիկլի նվազում։ Երկիր վերադառնալուց հետո Նիկոլաեւը մեկ տարում երկու անգամ ինֆարկտ էր ստացել։
Հետեւաբար Մարս ուղեւորվել կկարողանան միայն ֆիզիկապես դիմացկուն մարդիկ, այն էլ այն դեպքում եթե նրանց տիեզերական ճառագայթներից պաշտպանելու հուսալի մեթոդներ մշակվեն։
