Արցախում 20-ամյա զինծառայողի զոհվելու դեպքի առթիվ քրեական գործ է հարուցվել:
Ըստ Քննչական կոմիտեի տարածած հաղորդագրության, հարուցվել է քրեական գործ՝ ազգային, ռասայական կամ կրոնական ատելության կամ կրոնական մոլեռանդության շարժառիթով սպանություն կատարելու դեպքի առթիվ։ Կատարվում է նախաքննություն:
Ավելի վաղ ԼՂՀ ՊԲ մամուլի ծառայությունից հայտնել էին, որ հակառակորդի կողմից հրադադարի խախտման արդյունքում` հոկտեմբերի 26-ին ժամը 17:00-ի սահմաններում ՊԲ հյուսիսարեւելյան ուղղությամբ տեղակայված զորամասերից մեկի պահպանության տեղամասում մահացու հրազենային վիրավորում է ստացել 20-ամյա զինծառայող Գուրգեն Ավետիքի Այվազյանը:
