Toyota ճապոնական ավտոմոբիլային կորպորացիան ամբողջ աշխարհում հետ է կանչում 5․8 մլն ավտոմեքենա, անվտանգության բարձիկներին վերաբերող խնդիրների պատճառով, հայտնում է BBC–ն։
Ընկերության հայտարարության մեջ ասվում է, որ հետ են կանչվելու այն մեքենաները, որոնք արտադրվել են 2000-2014թթ, այդ թվում Corolla եւ Yaris մոդելները։
Սա առաջին դեպքը չէ, երբ հետ են կանչվում այն մեքենաները, որոնք սարքավորված են Takata ընկերության անվտանգության բարձիկներով, քանի որ դրանք, ըստ որոշ ավտոարտադրողների, կարող են ինքնակամ բացվել երբ մեքենան ընթացքի մեջ է, իսկ սարքի մանր մետաղական մանրակներն էլ կարող են տարբեր կողմեր թռչել՝ վնասելով վարորդին ու ուղեւորին։
