Լոս Անջելեսում մոթորշոուի ժամանակ MINI ապրանքանիշը կցուցադրի նոր սերնդի Countryman մոդելը, որը վաճառքում է հայտնվելու 2017-ի գարնանը, գրում է «Ավտոստատ ինֆո» պորտալը։
Նոր MINI Countryman-ը, որը իրականացվել է BMW UKL2–ի բազայով, ավելի մեծ չափսեր կունենա՝ 200 մմ-ով երկար կլինի եւ 30 մմ-ով լայն։ Ընդ որում ավելացել է նաեւ սալոնում ազատ տարածությունը, իսկ բեռնախցիկը 220 լիտրով տարողունակ է դարձել։ Նոր սերնդի մոդելը հնարավոր է տարբերել նաեւ էքստերիերի թարմացված դիզայնով եւ սալոնի նոր ձեւավորումով։
Հայտնի է, որ MINI Countryman–ի թարմ մոդելի հետ միասին կհայտնվի նաեւ հիբրիդային մոդիֆիկացիա։ Խոսքը 134 ձիաուժով եւ 1․5 լիտրանոց շարժիչով եւ 87 ձիաուժ հզորության էլեկտրական շարժիչով MINI Cooper S E Countryman ALL4 տարբերակի մասին է։