Հայաստանի կառավարությունը խորհրդարանում պետբյուջեի նախագիծը կներկայացնի ծրագրային բյուջետավորման դիրքերից: Այս մասին հոկտեմբերի 27-ին ՀՀ կառավարության նիստի մեկնարկին հայտարարել է վարչապետ Կարեն Կարապետյանը:
Նրա խոսքով՝ հոկտեմբերի 31-ին խորհրդարանում մեկնարկելու են պետբյուջեի նախագծի շուրջ քննարկումները: Այդ պատճառով կարեւոր է, որպեսզի նախարարներն իրենց ոլորտների ծախսերի ծրագիրը ներկայացնեն՝ ելնելով այն հանգամանքից, թե ինչ արդյունքների եւ ինչ ժամկետներում են պատրաստվում հասնել:
«Մասնավորապես, հարկավոր է ներկայացնել մոտեցումներն ու սկզբունքները, որոնց շրջանակում ձեւավորվում են ոլորտային բյուջեները: Հարկավոր է ելնել քանակական եւ որակական արդյունքներից»,- նշել է Կարապետյանը: