Մեղրի-Քաջարան գազատարի երկարության մասին տվյալները կներկայացվեն իրականությանը համապատասխան: Այս մասին որոշումն ընդունվել է ՀՀ Կառավարության հոկտեմբերի 27-ի նիստում:
Գազատարի շինարարության պայմանագրին համապատասխան, որը 2004 թվականի սեպտեմբերին ստորագրել են «Բարձրավոլտ էլեկտրացանցեր» ՊՓԲԸ-ն ու իրանական «Սանիր» ընկերությունը, նշված հատվածի շինարարությունն ավարտվել է 2009 թվականի ապրիլին: Նախագծային փաստաթղթերում գազատարի երկարությունը նշված էր 40 կմ, հիմա այն կներկայացնեն իրական տվյալով՝ 38.55 կմ:
Հիշեցնենք, որ շինարարության նախահաշիվը ծրագրվածից ցածր էր եղել. 31.5 մլն դոլար՝ 33.2 մլն-ի փոխարեն: