Հայաստանի պետական մարմինները պետք է ստուգեն, թե որքանով են երկրի գետերը կարող դիմանալ նոր փոքր ՀԷԿ–երի շինարարությանը։ Այս մասին հոկտեմբերի 27-ին Կառավարության նիստում ասել է վարչապետ Կարեն Կարապետյանը։
Նա Բնապահպանության եւ Էներգետիկ ենթակառուցվածքների ու բնական պաշարների նախարարություններին, ինչպես նաեւ ՀԾԿՀ–ին հանձնարարել է ուսումնասիրել այդ հարցը։
Կարապետյանի խոսքով՝ պետք է ուսումնասիրել ջրօգտագործման եւ արտոնագրերի թույլտվությունը։ Անհրաժեշտության դեպքում՝ վերանայել փոքր ՀԷկ–երի զարգացման սխեման, որը Կառավարությունը հաստատել էր 2009-ին։ «Պետք է ստուգել ոչ միայն փոքր գետերը, այլ նաեւ ավելի խոշորները՝ Ախուրյանը, Ձորագետը, Ազատը, Արփան, Որոտանը»,– ասել է Կարապետյանը։
