Եվրամիությունը պատրաստ է լսել հայ ձեռներեցներին։ Դուք պետք է ասեք, թե ինչ եք ակնկալում մեզնից։ Այս մասին Երեւանում հոկտեմբերի 27-ին ընթացող «Արեւելյան ներդրումներ 2» ծրագրի գործընկերների ամենամյա գիտաժողովին ասել է հարեւանության եւ ընդլայնման հարցերով բանակցությունների գլխավոր տնօրինության ստորաբաժանման ղեկավար Մեթյու Բուսկեն։
Պարզաբանելով նախաձեռնության նպատակները՝ Բուսկեն նշեց. «Ինչու՞ է կարեւոր այդ գործընթացին ներգրավվածությունը։ Քանի որ ԵՄ–ն առանցքային դեր է խաղում բարեփոխումների իրականացման եւ նոր աշխատատեղերի ստեղծման համար։ ԵՄ–ն ձեզ հետ ներգրավված է տարբեր ոլորտներում։ Մենք պատրաստ ենք լսել ձեզ։ «Արեւելյան ներդրումներ 2»–ն ուղղված է նաեւ տարածաշրջանում հանրային երկխոսության առաջմղմանը»։