Հայաստանի ջրամատակարարման ցանցի միասնական օպերատորը 15-ամյա կառավարման համար 89.75 մլրդ դրամ (շուրջ 189 մլն դոլար) կվճարի: Այս մասին նշված է պայմանագրի նմուշում, որը հաստատվել է ՀՀ Կառավարության հոկտեմբերի 27-ի նիստում:
2017 թվականի հունվարի 1-ից նոր օպերատորի կառավարմանը կփոխանցվի գույքը, որը ներկայում պատկանում է 5 օպերատորների՝ «Երեւան Ջուր», «Հայջրմուղ», «Շիրակ ջրմուղ», «Լոռի ջրմուղ» եւ «Նոր Ակունք»:
Ամեն դեպքում, այդ 5 ընկերությունները ոչ բոլոր բնակավայրերն են ծածկում. շուրջ 560 համայնքներ (հիմնականում՝ գյուղեր) իրենք են ջուր ձեռք բերում: Նոր օպերատորն աստիճանաբար նաեւ այդ համայնքներում կգործի: