Հանրապետական կուսակցությունից ԱՄՆ նախագահի թեկնածու Դոնալդ Թրամփը գովազդային հոլովակում երկրում բնակվող հնդիկներին դիմել է հինդիով: Այս մասին գրում է Lenta-ն՝ վկայակոչելով Business Insider-ը:
30 վայրկյան տեւողությամբ հոլովակի սկզբում հանդիսատեսին շնորհավորում են հինդուիստների գլխավոր տոնի՝ Դիվալիի առիթով, ինչից հետո ներկայացվում է Նյու Ջերսիում Հինդուիստների հանրապետական կոալիցիայի կազմակերպած բարեգործական համերգին միլիարդատիրոջ ելույթը:
Վերջում նախագահի թեկնածուն ներկայացնում է Հնդկաստանի վարչապետ Ներանդրա Մոդիի՝ փոքր-ինչ փոխված կարգախոսը. «Այս անգամ մենք Թրամփի կառավարության հետ ենք»:
