Facebook-ի արտադրանքի գծով տնօրեն Քրիս Քոքսը (Chris Cox) ներկայացրել է հայտնի նկարիչների գործերը նմանակող վիդեոների մշակման նոր հավելվածը: Այս մասին գրում է Engadge-ը:
Facebook-ի նոր հավելվածը թույլ կտա տեսահոլովակներ մշակել ռեալ ժամանակում, մասնավորապես, ընկերությունը այն կօգտագործի ուղիղ հեռարձակումների ժամանակ: «Տեսախցիկը կդառնա ստեղծագործելու գործիք»,- ասել է Քոքսը:
Նրա խոսքով առաջիկա տարիների ընթացքում վիդեոները կկազմեն համաշխարհային թրաֆիկի 70%-ը: Հավելվածի թողարկման ամսաթիվը չի նշվում:
Engadget –ը համեմատել է Facebook-ի ներկայացրած հավելվածը ռուսական Prisma հավելվածի հետ, որը նեյրոնային ցանցերի հիման վրա տարբեր ֆիլտրերով նկարներ է մշակում: Այն ստեղծել է Mail.Ru Group-ի նախկին աշխատակից Ալեքսեյ Մոյեսենկոն:
Բացի դրանից, Mail.Ru Group-ը ունի նաեւ նեյրոցանցերի միջոցով վիդեոների մշակման համար Artisto հավելվածը: 2016 թվականի հոկտեմբերին այն մտել է ամերիկյան App Store-ի լավագույն տասնյակի մեջ:
