Հայաստանում բանկերի եւ փոստի միջոցով պետական ծառայությունների տրամադրման գործընթաց կսկսվի: Այս մասին որոշումն ընդունվել է հոկտեմբերի 27-ին՝ կառավարության նիստում:
Նոյեմբերի 10-ին ուժի մեջ մտնող որոշմամբ հաստատվել է պատվիրակված ծառայությունների եւ դրանց օպերատորներին ներկայացվող պահանջների ցանկը, որոնք պետք է հավաստագիր ստանան: Պետական ծառայությունների օպերատորներ կարող են դառնալ բանկերը, փոստային օպերատորները, այլ կազմակերպություններ: Դրանք պետք է ունենան արդյունավետ ծառայությունների տրամադրման առնվազն 5 տարվա փորձ եւ Հայաստանում սպասարկման 10 կենտրոնից ոչ պակաս:
Այս ցանկի մեջ են արդեն ներառվել «Հայփոստ» փոստային պօերատորը, նաեւ երեք բանկեր՝ «Արդշինբանկ», «Կոնվերսբանկ» եւ «Ամերիաբանկ»: Օպերատորները կարող են Պետռեգիստրի եւ անշարժ գույքի կադաստրի հետ կապված ծառայություններ տրամադրել:
Այսպես, ըստ գրանցման ծառայությունների՝ կներառվեն առեւտրային ձեռնարկությունների եւ անհատ ձեռնարկատերերի, հասարակական կազմակերպությունների, հիմնադրամների, իրավաբանական անձանց առանձին ստորաբաժանումների գրանցումը, արտասահմանկան հասարակական կազմակերպությունների հայկական ներկայացուցչությունների հաշվառումը: Օպերատորներին կարելի է ներկայացնել նաեւ իրավաբանական անձանց լուծարման եւ վերակազմավորման հայցեր: Բանկերը եւ փոստը կարող են տրամադրել իրավաբանական անձանց կանոնադրության պատճեններ: Ի վերջո՝ այնտեղ հասանելի կլինի ունեցվածքի իրավունքի գրանցումը, նաեւ տեղեկություններ կտրվեն դրա իրավունքի եւ սահմանափակումների մասին: