Գյուղատնտեսության նախարարությունը կլուծարի մի գերատեսչություն եւ կարող է լուծարել եւս մեկը։ Այս մասին հոկտեմբերի 27-ին լրագրողներին ասել է գյուղատնտեսության նախարար Իգնատի Առաքելյանը։
Նա հաստատել է, որ Կառավարությունը որոշել է փակել Գյուղատնտեսության նախարարության Գյուղատնտեսական տեխնիկայի պետական տեսչությունը, որում աշխատում է 13 մարդ, եւ 1-2–ական աշխատակից էլ մարզերում կա։ Տրակտորների եւ կոմբայնների համար պետհամարանիշեր բաժանելու գործառույթը կանցնի Ոստիկանությանը։ Կարելի է նաեւ կրճատել «Լիցենզավորման կենտրոնը», որտեղ աշխատում է 3 մարդ։ Նրա խոսքով՝ կրճատումը կհեշտացնի ճյուղային լիցենզիաների տրամադրումը։ «Իսկ որքանով էր արդյունավետ այդ աշխատակազմը նախկինում, Էն ժամանակ ոնց է եղել, չեմ կարող ասել, թե անարդունավետ ա եղել:
Լիցենզիայի վարչությունն է, որը գտնում եմ նորից պետք է կենտրոնացնել պարզեցնելու համար գործառությունները ու վերջ»,– ասել է նախարարը։