ԱՄՆ նախագահի հանրապետական թեկնածու Դոնալդ Թրամփը քննադատել է Իրաքի Մոսուլ քաղաքի ազատագրման պատրաստության Վաշինգթոնի մարտավարությունը, հայտնում է ABC–ն։
«Ես Մոսուլի մասին արդեն 3 ամիս լսում եմ, թե մենք կհարձակվենք։ Բայց ինչի՞ համար խոսել այդ մասին։ Պատճառներից մեկը, թե ինչու է նրանց պետք Մոսուլն այն է, որ նրանք ուզում էին բռնել գրոհայիններին, որոնք նրանց կարծիքով այնտեղ էին։ Հենց որ իմացան հարձակման մասին, հեռացան։ Ինչու՞ սկզբում չհարձակվել, իսկ հետո նոր հայտնել այդ մասին»,– ասել է Թրամփը։
Նա նշել է, որ ԻՊ գրոհայինները ավելի մեծ դիմադրություն են ցույց տալիս, քանի որ տեղյակ են եղել հարձակման մասին։
«Մենք Մոսուլ ունեինք, բայց ստիպված ենք հետ վերադարձնել այն, քանի որ Հիլարի Քլինթոնն ու Օբաման մեծ վակուում էին ստեղծել, եւ ԻՊ–ը մտավ ու վերցրեց Մոսուլը»,– ասել է Թրամփը։