Հայաստանի ֆերմերներին խաղողի դիմաց պարտքերը մարելու համար գինու-կոնյակի գործարանները կվաճառեն կոնյակի սպիրտի պաշարները: Հոկտեմբերի 27-ին Կառավարության նիստից հետո այս մասին լրագրողներին ասաց գյուղնախարար Իգնատի Առաքելյանը՝ հավելելով, որ իրացման համար պարզապես որոշ ժամանակ է հարկավոր:
Նրա խոսքով՝ գործարանները ֆերմերներին ընդհանուր առմամբ շուրջ 500 մլն դրամ են պարտք (1.05 մլն դոլար): Գյուղնախարարությունն աշխատում է ACBA բանկի հետ, որպեսզի այն պայմանագիր կնքի գործարաններից մեկի հետ (ապագա վաճառքի հաշվին): Այս կերպ գումարներն ավելի շուտ կհասնեն ֆերմերներին, առավել եւս, որ շուկայի այժմյան իրավիճակի եւ իրացման հետ կապված խնդիրների պատճառով վաճառքը կարող է ժամանակ պահանջել: «Մյուսները խոստացել են ինքնուրույն մարել պարտքերը»,- ամփոփեց Առաքելյանը:
Հիշեցնենք, որ վերջին մի քանի ամիսներին խաղողագործները բողոքի ակցիաներին էին անցկացնում: